...

شيرين أنا خادمة الرجل اللي أعيش معاه .. عاوزة استغفر ربنا

 قدمت شيرين عبدالوهاب خلال مداخلة هاتفية إلى برنامج “كلمة أخيرة” الذي تقدمه الإعلامية لميس الحديدي على قناة “ON” اعتذارها إلى الجمهور على الهواء، قائلة: “عاوزة أستغفر ربنا على الكذب اللي كذبته عشان أخلي صورة إنسان تبقى كويسة وأنا كذبت ودي أكتر حاجة ربنا مبيحبهاش”.

سألتها “الحديدي”، عن ما كذبت بشأنه لترد الفنانة: “كدبت في حاجات كتيرة أوي لأني بنت أصول وكنت عاوزة أرفع صورة إنسان ممكن يروح في يوم من الأيام يتجوز من عيلة تانية وأخلص منه ولو كنت قلت كلام وحش وقتها مكانش هيعرف يتجوز وأنا نفسي يتجوز ويبعد عني”.

تابعت شيرين: “أنا ست قاعدة في أمان الله مع بناتي  بقالنا 4 سنوات شايفين الويل سافرنا الساحل وقلنا نقعد أربع أو خمس أيام ونرجع مبسوطين وتتحسن نفسية البنات ونفسيتي ومكناش بنخرج ومكناش عايشين تقريبًا والبنات مكنوش يعرفوا يقعدوا معايا، لأني كنت عايشة مع زوج مش بيشتغل تقريبًا وكنت محبوسة 24 ساعة في أوضة نومي مش بعمل حاجة، قاعدة بس وأنا غلطت في حق نفسي، وكنت فاكرة أني بحافظ على بيتي لكني اكتشفت أنه مكانش بيت، كانت عشة فئران أو مصيدة أنا كنت زي الفار اللي بيدخل المصيدة ياكل حته جبنه”. 

أضافت شيرين  “كنت عايشة مع راجل مش بيشتغل ولا بيخرج ولا يشوف أهله ولا أصحابه وكل همه حب الامتلاك  ومع ذلك فضلت جنبه وهو لا يعرف إلا فكرة حب الامتلاك وصبرت لأني كنت بحاول أنجح الحب ده ومكنتش  بحب اتهزم وأنا بطبعي أكون خادمة الرجل اللي أعيش معاه”

 

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

زر الذهاب إلى الأعلى