ردا على المشاهد الجرئية .. سوسن بدر: اللى مش عاجبه التمثيل يسيبه
علقت الفنانة سوسن بدر على المشاهد الجرئية التى تعرض على شاشة التليفزيون قائلة :” اللى مش عاجبة التمثيل يسيبه”.
وقالت بدر خلال لقائها في برنامج «حبر سري» أمس، عن الفنانين المشككين في حرمانية الفن: «اللي يقول إن الفن فيه شبهه حرام واللي حاسس أنه كده يتبع احساسه ويسيب الفن، واللي شايف نفسه مش مرتاح، امشي ومش بس الفن، لأي مهنة فيها شبهه، وأنا عايز أعمم الحكاية واللي مش مرتاح في شغلته يسيبها».
أصحاب ولا أعز
كما دافعت عن دور «منى زكي»، في فيلم «أصحاب ولا أعز»، وهو الدور الذي أثار الجدل بعد عرض الفيلم، وتسبب في هجوم كبير على «منى زكي»، ووصفت الهجوم عنها بأنه كان مبالغ فيه، وأنها لم تخطيء في اختيار الدور، وإنما ما قدمته يتم تقديمه أضعاف مضاعفة في أفلام مصرية أخرى، وتابعت: «منى تعرضت لحملة صعبة وهي ممثلة لها قيمتها وتاريخها».
ملامحي المصرية الفرعونية
وعن ملامحها الفرعونية والتي لقبت على إثرها بـ«نفرتيتي الفن»، قالت : «ملامحي المصرية الفرعونية من نعمة ربنا عليا وخدمتني ولما حد يتفرج خلال مشواري في الفن عملت جميع الأدوار الفنية وتاريخي فيه كل الأدوار».
محمد رمضان
كما تحدثت عن محمد رمضان، قائلة: «موهبته كانت ظاهرة منذ بدايته، وكنت أتوقع له أن يصبح ممثل شاطر وده من غير أرقام نمبر وان، لأن فيه ألف ممثل نمبر وان، وآخر شغل لنا كان فيلم الكنز ومتعرضش عليا شغل معاه بعدها».
