سعيد خليل.. وش السعد على توفيق الدقن

فى يوم من الايام راحت فرقة الست روحية خالد الى المنيا علشان تعرض مسرحية جديدة هناك.. وهما هناك اكتشفوا انه فيه واحد من أعضاء الفرقة تعب ومش هيقدر يعرض وفضل فريق العمل يدور ويدور على حد يعمل الدور.

وفى الوقت اللى كان فيه الكل مشغول بإنه يلاقى حد يعمل دور الشاب اللى بيخون عمه .. كان توفيق الدقن داخل النادي اللى هيتم فيه العرض .. وقتها روحية قالت هو ده.. هاتوه.. وعرضت عليه يمثل معاهم دور الممثل الشاب اللى تعب واعتذر.. فهو رفض لأنه اولا مبيحبش التمثيل وثانيا لانه فاضل 4 ساعات على العرض ومش هيلحق.. بس فى النهاية وافق وحفظ وعمل الدور .. وأحس بمتعة غريبة والجمهور بيحيه وبدأ من اليوم ده يفكر في احتراف الفن..

سعيد خليل ..وهو وش السعد على توفيق الدقن .. لأنه هو اللى تعب واعتذر عن الدور اللى قدمه توفيق الدقن في المسرحية.