ليلة رأس السنة وفستان فاتنة المعادى اخر زوجات الراحل محمد فوزي

فى ليلة راس السنة.. اتعزمت كريمة على حفلة عند واحدة صاحبتها .. وفضلت كريمة تحضر لليوم ده من قبلها بكذا يوم واخيرا وبعد فترة من الحيرة وقع اختيارها على فستان تحفة راهنت انه هيبقى البريمو فى الحفلة وان الكل هيعجب بيه..

وفى يوم الحفلة نزلت كريمة من البيت وخدت تاكسي وطول الطريق كانت مشغولة بحاجة واحدة بس وهى ان الفستان ما يتكرمش ويفضل سليم.. علشان يعجب الناس كلها..

واخيرا وبعد تعب وفرهدة بسبب الفستان وحرصها عليه.. نزلت كريمة من التاكسي واذ فجأة تعدي عربية مسرعة تطرطش مية المطرة وطين المطرة اللى كانت متكومة فى الشارع وتطلخ لها الفستان .. ومن كتر صدمتها وقفت كريمة مشلولة مش عارفة ولا فاهمة ولا مستوعبة لحد ما اخيرا لقت نفسها بتنفجر فى البكاء حزنا على الفستان .. وعلى الليلة الطين اللى عاشتها