الرئيس السيسى: موضوع الرمال السوداء اتعرف فى مصر منذ 90 سنة … وتكلفة مجمع المصانع 4 مليارات جنيه

افتتح الرئيس عبدالفتاح السيسى، أمس الأربعاء، مجمع مصانع الرمال السوداء بكفر الشيخ ، كما تفقد الرئيس مجمع المصانع الشركة المصرية للرمال السوداء بمدينة البرلس، وذلك عقب افتتاح مجمع مصانع الرمال السوداء فى محافظة كفر الشيخ.
وخلال كلمته، دعا الرئيس القطاع الخاص للمشاركة فى مشروعات الرمال السوداء، مؤكدا على العوائد الاقتصادية والاستثمارية الكبيرة للمشروع، وأضاف: دراسات الجدوى للمشروع خدت 3 سنين.. ومين هيدفع تمن حاجة زى كده.. بقول الكلام ده للمصريين.. بعد ما عملنا الفكرة دى وخدنا المسار ده».
وتحدث الرئيس عبدالفتاح السيسى، معلقا على كلمة الدكتور حامد ميرة رئيس هيئة المواد النووية، قائلا: «عاوزين نوضح للناس فى مصر نعرف الحكاية دي.. بدأت امتى كتاريخ.. لفهم واكتشاف الموضوع ده فى مصر.. يعنى عاوز أقول كان من 80 و90 سنة.. وعاوز أقول لما اتكلمنا فى الموضوع ده من 5 سنين.. محدش كتير شجعنا كفكرة».

أكد الرئيس السيسي، على ضرورة الاهتمام بالحفاظ على العاملين فى مشروعات الرمال السوداء، قائلا: «لو محتاجين أى مواد للارتداء من قبل العاملين للحفاظ عليهم صحيا.. إحنا مستعدين نعمل ده.. نبقى حريصين أكثر «.
أضاف الرئيس السيسي:»اللى شغال فى المشروع ده مش شغال يوم ولا شهر.. عاوزين نكون مطمئنين.. أن الشغل ده ليس له أى تأثير صحى من خلال الإجراءات والمعايير والاحتياطات اللتى ممكن نحققها».
وقال الرئيس عبد الفتاح السيسى، إن مشروع الرمال السوداء، ننتظره من فترة طويلة، مضيفا : «انتظرنا المشروع ده فترة كبيرة أوى.. خلال أكثر من 3 سنوات.. ووصول المعدات خلال الفترة الماضية».
أضاف الرئيس السيسى: «انا بقول الكلام ده للقطاع الخاص والشركات اللى اشتغلت معانا فى هذا المجال زى حسن علام وغيره.. انت عرفت المسار.. ده مسار خد وقت طويل فيه.. المكونات والطرح والكلام اللى بيتعمل علشان وصول المعدات.. ثم 60 % منتجات تتعمل فى مصر والباقى ييجى من الخارج».
واستكمل الرئيس السيسي: «لما كنا بنعمل المشروع بتاع الرمال السوداء.. ده سألت سؤال حجم الاحتياطات اللى موجودة هنا تكفى قد ايه وحجم الطلب العالمى عليه قد ايه.. هل فيه فرصة لمشروع و2 و3.. الطلب هو اللى بيتحدد.. وبقول وبسمع للقطاع الخاص.. من أول المشروع ده.. متاح للقطاع الخاص الدخول فيه.. اللى عاوز يتفضل.. وده بقوله فى كل مشروع يتم افتتاحه.. حد يقولى مش قولت له من الأول.. الفرصة دى كانت موجودة على مدار 40 و50 سنة».
وطالب الرئيس عبدالفتاح السيسى، القطاع الخاص بالمشاركة فى مشروع الرمال السوداء قائلا: « القطاع الخاص والشركات اللى ابتدت تشغل فيه تقدر تعمل كام مصنع ومجمع زى ده؟.. بتتكلم الكيلو بياخد سنة.. انت بتتكلم فى 400 كيلو من الاحتياطيات..فرضا لو فيه شركة واحدة تقدر تشتغل 400 سنة طيب لو 10 شركات؟..طيب فيه فرصة للشركات تدخل فى الموضوع ده على ضوء المؤكد».
أضاف الرئيس السيسى خلال افتاح مشروع الرمال السوداء: « دلوقتى وفيه كلام تانى وفرص فى مكان تانى مثل بحيرة ناصر وبرنيس وممكن نعمل مصنع و3 و4.. أو لو عاوزين تخشوا فى شراكة مع الدولة احنا جاهزين..المشروع بيكلف 4 مليارات جنيه، لو حبيته تعمله مصنعين و3 و4 هيكلف 20 مليار جنيه..كل المنتج اللى بيطلع بيتم تصديره للخارج».
تابع الرئيس: «عاوز أقول لكل الشركات المصرية حتى لو مكنتش معنية بالثروة المعدنية الرقم اللى بنتكلم فيه مش كبير لكن فى النهاية مشروع يدار بشكل وعائد طيب جدا ويزيد عن 25 %.
وواصل الرئيس: «أى حد فى القطاع الخاص بيفكر فى العائد خلى بالك المشروع له عائد كويس قوي..بقول للقطاع الخاص شكل مجموعات متوافقة مع بعضها انتو أصدقاء وبتشتغلوا مع بعض..ممكن كيان بـ 30 مليار جنيه ومشروع زى ده ممكن يخلص فى سنتين..لو قلت فيه 30 مليار جنيه فى قطاع خاص بتدفقات مالية خلال سنتين يكون عندنا مصنعين و3 و4.
تابع الرئيس: «أى حد فى مصر مسؤول حريص على انه لو فيه مجال للخير هيعمله..الفرصة جت من خلال مسار نجحنا فيه دلوقتى وعرفنا تفاصيله وحاجة اتشكلت وخرجت للنور من خلال المشروع ده..دراسات الجدوى بقول الكلام ده للى بيهتم بالمشروع ده تخليك تخش فى الموضوع ده وانت مستريح وطلب السوق العالم كبير جدا يلبى أى منتج انت بطلعه ويتبقى جز من القيمة المضافة وده موضوع تان يخالص..فيه خامات طالعة ممكن يتعمل منها شغل فى مصر قد يكلف كثيرا علشان يطلع..والبيانات الموجودة عندنا وجهاز الخدمة الوطنية كل ما هو معنى بالموضوع ده البيانات محتاجة لكل اللى عاوز يشتغل فى الموضوع ده».
ووجه الرئيس عبد الفتاح السيسي، الشكر إلى الدكتور محمد شاكر وزير الكهرباء، قائلا: «بشكر الدكتور شاكر دائما الخير معاه.. بشكر الدكتور شاكر على افتتاح المشروع ده.. وبشكر كل القائمين على هذا العمل ده».
وأكد الرئيس عبد الفتاح السيسى، أن الدولة المصرية ليس أمامها وقت لإضاعته، قائلا: «نشجع العمل فى مشروع الرمال السوداء.. علشان مفيش وقت أو فرصة نضيعها.. ومش ينفع نقول ماشى بقى أن شاء الله نبقى نفكر.. مفيش نفكر.. الحمد لله رب العالمين.. مش اول مرة اسمع الموضوع ده.. ده موضوع متابعة بدقة شديدة.. دى فلوس بنحطها ونأمل أنها تجيب لنا حاجة.. وبنعمل ده جنب جنب ده يقوم البلد تطلع لقدام».
وأضاف الرئيس السيسى: «أرجو أن رسالتى تصل للقطاع الخاص.. خشوا لوحدكم هنساعد معاكم.. ماشي.. بشراكة ندخل معاكم.. بحيث نقدر نعمل أكثر من مجمع للرمال السوداء».
وشدد الرئيس السيسي، أن الأمور الخاصة بعمل مجمع مصانع الرمال السوداء أصبحت متوفرة، قائلا: «طبعا كل الأمور الأساسية بقت متوفرة.. سواء مياه معالجة وتحلية بحر.. والكهرباء والطرق وهنكمل.. بنشكر الشركات المدنية وشركات التعدين.. كل اللى اشتغل فى هذا المشروع بوجه التحية والشكر».
وأوضح الرئيس السيسى قائلا: «أول مرة نقدم على خطوة فى هذا المجال.. هتكونوا رواد فى هذا المجال.. وربنا سبحانه وتعالى يجعل فيه خير كتير.. نعمل اكثر من مجمع زى كده خلال السنوات القليلة القادمة.. فى النهاية بنشغل ناس وبنجيب عوائد بالعملة الحرة كويسة.. بنوفر فلوس نشترى بيها منتجات زى كده.. بتطلع من عندنا وتباع داخل السوق المصرية».
وقال الرئيس عبد الفتاح السيسي، إنه عقب الانتهاء من مشروعات الرمال السوداء تتحول الشواطئ الموجودة فى المناطق الخاصة به، متابعا: «عملنا مشروع فى رشيد.. الدكتور مصطفى مدبولى قالى طب كده هنوقف خطة مشروع رشيد والكام كيلو اللى عاوزين نعملهم.. دى دولة بتفكر فى كل شيء».
أضاف الرئيس السيسي: «كان كلامنا فى نهاية الاستخراج.. أن الشواطئ جاهزة للتنمية ويتعمل عليها سكن ومشروعات لصالح الناس.