أمن القاهرة يحقق فى تعذيب أطفال داخل حضانة بالتجمع الخامس
تحقق أجهزة الأمن بالقاهرة، منشورًا متداولا عن تعذيب أطفال دار أيتام بمنطقة التجمع الخامس.
ويقوم رجال المباحث بعمل التحريات للوقوف على ملابسات الواقعة، واتخاذ الإجراءات القانونية اللازمة حيالها.
وكان رواد مواقع التواصل الاجتماعي “فيس بوك” تداولوا منشورا مفاده اكتشاف مشرفي حضانة أطفال آثار تعذيب على جسد طفل أثناء ذهابة للحضانة.
وأضاف المنشور: “ده طفل بيروح حضانة في التجمع الخامس زي اي طفل.. الحضانة اكتشفت الآثار دي علي ضهره، ولما سألوا الطفل قال لهم ان دي آثار ضرب بتوكة الحزام !!
وتابع المنشور: “الحضانة بيروح لهم أكثر من طفل من نفس الدار .. و لما اتكلموا معاهم اكتشفوا ان كلهم بيتم ضربهم بالمنظر ده وعليهم آثار تعذيب برضو وفي منهم طفل مش بيتكلم اصلا لان لسانه فيه عيب خلقي، ده غير ان طفل فيهم بيقول ان في مشرف يمسكه من أماكن حساسة بالليل و في الحمام !!
وأردف المنشور: “الحضانة اتصدمت، وقررت تبلغ الدار وتروح بنفسها لمقر الدار في التجمع، واللي بتقوله كارثي.. بيقولوا لها معلش هو شاطر مع الكبار وهنرجعه للكبار تاني.. ونجيب غيره للصغيرين! وان الاطفال اللي بتروح الحضانة من أطفال الدار مجرد ما حد يقرب منهم اوي يرفعوا يدهم يخبو وشهم وكأنهم متعودين على الضرب في كل وقت ومن كل الناس.. وعشان كده خايفين طول الوقت”.
كما جاء بالمنشور: “طيب روايات الأطفال دي واللي بيحصل فيهم نفهم منه ايه … نفهم منه ان في كارثة في إدارة هذه الدار يستاهلوا يحاسبوا من صغيرهم لكبيرهم … و بما إن الآثار واضحه كده فأكيد الدار عارفه اللي بيحصل للأطفال لأنهم أكيد بيغيروا للأطفال و الآثار واضحة جدا.. وكمان نفهم أن في إهمال من وزارة التضامن الاجتماعي في الرقابة علي هذه الدار و غيرها.. و نفهم كمان ان قانون العقوبات تجاه الأيتام لازم يتغير، لازم العقوبة يتم تغليظها.. عشان العقاب يكون رادع لان اللي بيعملوا كده في أيتام معتمدين على أن دي أيتام مش بتتكلم !لاوان الحضانة سجلت للأطفال فيديوهات يوثقوا كلامهم.. وده من فضل ربنا، لأن الجمعية اول ما عرفت ان الحضانه اكتشفت الكوارث دي، بطلت تبعت الأطفال للحضانة”.
