نداء من مطربة شهيرة ل نقابة الموسيقيين .. امال ماهر فين؟
طالبت المطربة إيناس عز الدين بالكشف عن مصير زميلتها المطربة آمال ماهر بعد تداول أنباء عن اختطافها أو تعرضها لمكروه والجهل بمصيرها.و
كتبت إيناس عبر حسابها الشخصي على الفيسبوك بعنوان “آمال ماهر فين، قالت فيه: “مش مطلوب غير لايف فيديو تكون مدته ثواني تطمنا عليها فيه، أو بيان رسمي من جهة رسمية، أو من نقابتنا نقابة المهن الموسيقية ينفي أي أخبار متداولة ويكون موثوقًا وعلى مسؤوليتهم“.
وأضافت إيناس في منشور آخر: ”كلنا نتمنى أن #آمال_ماهر تكون بخير، ويكون، إن شاء الله، الكلام ده مجرد شائعات سخيفة، وكلام فاضي، بس كمان كلنا بنحبها وخايفين عليها، والشائعة أدخلت الرعب في قلوبنا، وأقلقتنا، وأثارت خوفنا، وإذا كانت بخير من حقنا عليها أن تقدّرنا وتطلع تطمنا في أسرع وقت“.
وتابعت: ”الموضوع مش هياخذ منها ثواني تطمن كل الناس دي بدل حالة إثارة الجدل الحاصلة لأن سُكاتها بيدّي الحق لكل الناس أن خوفهم وقلقهم عليها يزيد، ويصدقوا أي شائعات وكلام يتقال“.
واستطردت: ”في الحالة دي لو كانت بخير وشايفة حرقة قلب الناس عليها وسايباهم يهروا تبقى حاجة تزعل جدًا، فأتمنّى أن ينتهي الموضوع، ويكون مافيش أي حاجة وحشة، وتكون بخير، وكل الكلام ده يطلع شائعات، وتتقفل السيرة دي نهائيًا لأنها فنانة كبيرة قيمةً وفنًا، وكلنا نحبها ونحترمها ونقدّرها“
