بالفيديو.. مرتضى منصور يكشف حقيقة التحفظ عليه في قضية سب الخطيب

نفى المستشار مرتضى منصور رئيس نادي الزمالك الخبر المتداول بأن محكمة جنح مستأنف القاهرة الاقتصادية، برئاسة المستشار أدهم فهيم، قد امرت بالتحفظ علىه، لحين صدور قرار آخر جلسة استئنافه على حكم حبسه سنة وتغريمه 10 آلاف جنيه وكفالة 10 آلاف جنيه، بتهمة سب وقذف محمود الخطيب رئيس النادي الأهلي

ونشر رئيس الزمالك مقطع فيديو له عبر صفحته الشخصية فيسبوك قال فيه: بقول للدستور وصدى البلد وموقع مجهول اللي قالوا مرتضى متحفظ عليه في المحكمة انا داخل نادي الزمالك ااساعة1:30 بعد الضهر عيب بجد الموضوع زاد عن حده هوانا تاعبكم اوي كده ايه شكلكم امام مصر كلها ياكدابين

وأضاف: كل الشكر لجمهور الزمالك اللي مش نايم من 3 ايام، اتكلمت عن موضوع الولد احمد دياب كام مرة وقولت مش عاوز مشكله بالبلد، في حد المفروض انه مسئول سربها، عندنا بكره مؤتمر صحفي بعد اجتماع مجلس الادارة جمهور الزمالك قالوا عاوزين نحضر المؤتمر فانا بدعوهم يوم الخميس كل الصفحات للحضور للنادي والبرامج والسوشيال ميديا الزملكاويه للحضور للنادي.

وأكمل: مش عارف اتحفظوا ع ايه الكرافته لا واضح اتحفظوا ع امك عاوزين تولعوا البلد وتعملوا الفتنه انا قولت في المحكمة ان معنديش مشكله مع الخطيب والقضية اتحجزت ليوم6 يوليو، وعاوزين تعملوا فتنه وتولعوا البلد عمر مرتضى منصور ما هيبقى شوكه في ضهر بلد.

وتابع: أنا قولت مش هنلعب مبارياتنا الا لما الاهلي يلعب مؤجلاته متكلمتش عن ماتش الاهلي بس وقبل كده الاهلي قال مش هلعب الا لما الزمالك يلعب مؤجلاته ووافقتوا له.