أحمد ياسر ريان تلقيت بوعد باللعب في الأهلي وبعد رحيل سواريز الإدارة ابلغتني بالرحيل لـ سيراميكا كيلوباترا
صرح أحمد ياسر ريان المنتقل حديثا إلى فريق سيراميكا مؤكدا انه يتمنى أن يكون انتقاله مفيدا للفريق وتحسين ترتيبه في بطولة الدوري.
وتحدث ريان في تصريحات تلفزيونيه “ان شاء الله الصفقة دي تفرق مع النادي واهم حاجة تفيد النادي عاملين لنفسنا تارجت أحسن من السنين اللي فاتت نعمل مركز يليق بسيراميكا كليوباترا”
وأشار: “مستر طارق أبو العينين هو اللي تولى الموضوع من أوله لآخره، روحت بعد الموضوع ما خلص ومضيت مع مستر طارق وبقيت في سيراميكا”.
واضاف مهاجم سيراميكا تصريحاته: “خرجت من كليوباترا إلى التاي بنية البيع والموسم خلصته ورجعت الأهلي قعدت معاهم وقالولي مع سواريش وموسيماني هتكون موجود مرة واحدة لقيت مستر طارق معاه الاستغناء وقاللي كابتن الخطيب موافق وساعتها مضيت لسيراميكا”
واختتم أحمد ياسر ريان تصريحاته: “رجعت التمرين مع الأهلي وقعدت شهر ونص باتمرن ومرة واحدة لقيت مكالمة ، خلاص، قرار اتاخد انا احب أكون موجود في مكان أشارك فيه في مكان أنا من النوع اللي أحب أشارك ومحدش كلمني في النادي أشارك أو لأ وسواريش قالي هتكون معايا بشكل أساسي قولتله خلاص مكمل معاك، جالي مكالمة فقلت خلاص الأهلي حابب كده أنا تحت أمر النادي”
