بالفيديو.. غضب على السوشيال ميديا بسبب حملة الترويج للسياحة المصرية فى كندا.. حنة شيماء

سيطرت حالة من الغضب على رواد السوشيال ميديا ومواقع التواصل الاجتماعي بعد انتشار فيديو تحت عنوان الترويج للسياحة المصرية فى كندا.

وأثار الفيديو الكثير من الاستياء والتعليقات الغاضبة بشدة من الطريقة التى تم بها الترويج للسياحة فى أحد شوارع كندا .

وقال احد المتابعين على فيس بوك “ديه لو حنة شيماء هتتعمل احسن من كده ومين اللى رافعة يافطة مصر”، فيما قال اخر ”

تخيًل انا اما شوفت هذا الموكب بتاع الترويج ايه اللي حصلي حصلي كدا داريت وشي من الكسوف
اولا من وضع الفكره استعان باغنيه سواح لعبد الحليم علي اساس انها جايه من السياحه حسب فهمه الاغبر المدوحس و علي اساس ان الاجانب هيفهموا اللحن و يفهموا معني سواح انها من سياحه نفس الحروف فكيييييك ابن الايه  و واحد بجلبيه و عصايه بيرقص بعصايه .. عصايه في كندا !!!!!! فاهمين يعني ايه عصايه  عصايه و جلبيه و حركات سريعه تخوض دا مش ترويج و لا ترويح دا ارهاب يا اخواننا
دا غير وحش الكون اللي ماشيه فاول الصفوف بحجم اكس اكس اكس لارچ و ساحبه وراها البنتين المساكين اللي لابسين ازرق يا حبايبي مكسورين وجوعانين و صحتهم علي ادهم و كأن الوليه الطخييييينه خطفتهم و بتشحت بيهم فاشاره جسر السويس الكندي …. و واحده تانيه مسكينه يا عيني الوليه اللي بترعش و لابسه دهبي بيوبروق و منوًر قال يعني بيغروا الكنديين … دوووول ممكن يفتكروا ان فيه سلك ملمس اتكهربت يعني  حد يقولهم كفايه كفايه كفااااايه بصوت عبد السلام النابلسي .. و هو بيكلم زينات صدقي اما دلقت عليه حله الملوخيه  كفااااااايه”.

وكتبت احدى رواد الفيس تدعى مولى نور الدين تعليقا قالت فيه “انتوا اللي بترخصوا البلد وبتتعاملوا مع النساء علي انهم سلع لأن بصراحة جزء م الناس قبل ذلك ، ترويج لسياحة ايه وسط الأخلاق دي والدعاية دي تدعو للتحرش واستباحة النساءوليست للسياحة ، لا حول ولا قوة الا بالله العلي العظيم”.

وعلقت جينا أمير قائلة “لا !! كابوس! وده مين الي منظمه و موافق عليه؟؟؟و السيده الي ماسكه اسم مصر و الراقصه 🙈ده فرح بلدي علي السطوح” .

https://www.facebook.com/570142212/posts/pfbid037QeVpxAyyoFcSKQ6y1NFv8Fw94pn4wdQEFjck7PDTG2hHnBXjf3T1n35GnFu6gatl/