عمرو مصطفي في رسالة غامضة: مش هتهز منك يا جدو.. ومغردون: يقصد عمرو دياب
كتبت:ريم مصلح
نشر الملحن والمطرب،عمرو مصطفي بوست يهاجم فيه احد الفنانين علي حسابه الرسمي علي موقع التواصل الاجتماعي ” فيسبوك ” حيث يهاجم شخص ما بشكل غامض ويوجه له رسالة.
وكتب قائلا ” رساله لجدو : هتبعت ناس ولجان تشتم علي الصفحه ولا هيهز شعره مني فلوس بترميها في الارض ،هتبعت ناس تقول صوته وحش ملكش دعوه انا هغني وصوتي وحش ،هتروح تخلي ناس تسرب الاغاني هطلع افضحك وساعتها هتكون نهايتك بجد ،هتجيب عيال بفلوس تعمل فيديوهات ان الاغاني وحشه هتنجح غصب عنك لانها من القلب ،هتقول فين المشاهدات هقولك ملكش دعوه انا بعمل الاغاني لنفسي ومش هدفع فلوس زيك يا جدو علشان الناس تشوفني ١٠٠٠٠٠ علي الفيسبوك بشرف احسن من ملايين مزيفين يا جدو وفي الاخر اتقل علشان الجاي صعب ،نسيت انك بعت ناس للموزعين الي بشتغل معاهم في الخارج علشان انت قلوده قوي ،بس لما تنزل معاهم هفضحك عادي .
وعلق الجمهور انه يقصد بهذا الكلام الفنان عمرو دياب حيث علق حساب يحمل اسم ” نعمان محمد ” يابني انت مريض وسبب مرضك ده انه ادلك اكتر من حقك شوف اي اغنية ليك مع عمك ووالي وعمتي الهضبة صاحب فضل عليك.
وتعليق اخر من حساب يحمل اسم ” وسام عبدالله ” يا فنان انت لو تعرف الهضبة مش هتقول عليه الكلام دا، الهضبة مش فاضي يفكر بالطريقة دي والكلام ده يقلل منك مش منه انت فنان كبير و متقفلش الناس منك.
و تعليق اخر من حساب يحمل اسم ” جابر خالد ” نسيت تعمل منشن لعمرو دياب ”
و تعليق من حساب يحمل اسم ” لوكا عادل ” والله يفنان انت لو تقصد عمرو دياب بصراحه تبقا انت الي بتضحك علي نفسك او عايز تاخد ترند وخلاص.
