...

محمود حجازى يكشف مفاجأة عن ريهام حجاج بعد اعتزال توفيق عبدالحميد

دافع الفنان محمود حجازى عن الفنانة ريهام حجاج بعد إعلان الفنان توفيق عبدالحميد اعتزاله التمثيل نهائيا بعد تصوير مسلسل يوتيرن.

اتهم البعض الفنانة ريهام حجاج أنها وراء قرار توفيق عبدالحميد لكثرة المشاكل التى تحدث بأعمالها.

وكتب محمود حجازى بوست مطول على صفحته الشخصية بموقع الفيسبوك قائلا: «أنا في حاجة مكنتش عايز أتكلم فيها بس بجد مش قادر أشوف حد علاقتي بيه طيبة وبشتغل معاه وبشوفه بيتعب قد إيه وبيتعامل مع كل الناس بشكل محترم جدا وألاقيه دايما بيتظلم من الناس من غير ما تعرف تفاصيل دايما هو اللي بيشيل المشاكل كلها سواء كان جزء منها أو ميعرفش حاجه منها». 

وتابع: «ليه بقينا بنستسهل الظلم.. أنا السنة دي بشتغل 3 مسلسلات جواه رمضان، وكانت سنة صعبة جدا وممتعة جدا وأنا محظوظ إني اشتغلت مع الأستاذ توفيق عبدالحميد اللي لسه شايف قرار إنه بعد الانتهاء من تصوير مسلسل يوتيرن سوف يعتزل الفن».

وواصل حجازي: «قد إيه الخبر ده زعلني جدا وبتمنى إنه يتراجع فيه ويفضل يمتعنا بفنه الحقيقي المبهر، وإن شاء الله هيحصل كده».

وأكد الممثل محمود حجازي: «وكمان زعلت جدا لما شوفت الحملات والناس اللي عايزه تستغل الخبر ده لهدم وتشويه شخص هو بعيد كل البعد عن القرار ده بس لمجرد إنهم عايزين يهدموا أي نجاح بشكل مليان ظلم وعدم فهم واستنتاجات ليس لها علاقة بالحقيقة».

وتابع: «المشكلة إن دي طريقة بتتكرر وكل مرة بقول أكيد الناس هتفهم لوحدها بس ألاقي الموضوع مكمل بطرق غريبة، والغريب أكتر إن في ناس بتستغل الموضوع ده.. وأنا مش بكتب الكلام ده ومستني أي حاجة غير إني حسيت لو أنا اللي وقع عليه الظلم ده وعايز الناس تفهم بس».

واختتم حجازي حديثه قائلا: «أنا ده تاني عمل ليا مع الأخت العزيزة ريهام حجاج.. ووالله والله أنا كلامي هتحاسب عليه قدام ربنا يعني ولا حد في الدنيا دي كلها هيأثر عليه غير الحق.. وآسف إني طولت عليكم وكل سنه وحضراتكم طيبين».

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

زر الذهاب إلى الأعلى