عالم فيزياء .. يخترع ميكروسكوب يصور الإليكترون وهو بيجري
عالم فيزياء مصري الدنيا مقلوبه عليه بره حالياً.
قدر يخترع ميكروسكوب يصور الإليكترون وهو بيجري ، واللي ميعرفش ف الإليكترون ده جزء صغير جداً من الذرة ، العالم ده قدر يصوره وهو بيتحرك، ويمشي وراه رايح جاي بالعدسه.
عارف اختراع الفيمتو ثانية ، أهو العالم ده الميكروسكوب بتاعه أعلى من الفيمتو ثانية ب ألف مره .
والاختراع ده هيفيد العالم في المجالات النوويه والطبيه والفيزياء والكيمياء وتطبيقات مالهاش اول من آخر .
صاحب الاختراع ده يبقي العالم المصري محمد حسن ، اللي موقع جامعة اريزونا بيفخر بيه وأبحاثه نزلت من يومين علي كل المجلات العلمية المتخصصة .
واضح إن العلماء المصريين بيعلوا علي بعض في المجال ده .
